Table of Contents
சில செல்கள் மற்றும் உறுப்புகளின் செயல்பாட்டை ஒழுங்குபடுத்தவும் கட்டுப்படுத்தவும் பயன்படுத்தப்படும் ரசாயனம் ஹார்மோன்கள் ஆகும். இவை நாளமில்லா சுரப்பிகளால் சுரக்கப்படுகின்றன. இந்த ஹார்மோன்கள் இரண்டு வகையாக பிரிக்கப்படுகின்றன. ஒன்று பெப்பைட்டு ஹார்மோன்கள் இவை அமினோ அமிலங்களால் ஆனவை மற்றும் நீரில் கரைய கூடியவை. மற்றொன்று ஸ்டீராய்டு இவை பெப்பைட்டு போல் அல்லாமல் கொழுப்பில் கரைய கூடியவை.
ஹார்மோன்கள் தான் நம் உடல் மற்றும் மனவளர்ச்சி ஆரோக்கியத்திற்கு பெரிதும் பங்கு வகிக்கின்றன. இவைகள் தான் நம் சந்தோசம், சோகம், கவலை என அனைத்து உணர்ச்சிகளையும் வெளிப்படுத்துகின்றன. நம் உடலில் ஹார்மோன் சுரப்பு மட்டும் சீராக இருந்தால் எந்த வித நோய் நொடியும் இல்லாமல் உடல் மற்றும் மனம் ரெண்டுமே சீராக வைக்கிறது.
ஆண், பெண் இருபாலருக்கும் பொதுவாக ஹார்மோன் சமநிலை ஏற்படுகிறது. ஆனால், ஒவ்வொருவருக்கும் ஒரு விளைவு ஏற்படும் அதிலும் பெண்களுக்கே அதிக பின்விளைவுகள் ஏற்படுகின்றன. ஹார்மோன் சம நிலை மாருவதன் அறிகுறிகள், பக்க விளைவுகள் ஏற்படுகின்ற மற்றும் அவற்றை எப்படி சரி செய்வது என விரிவாக காணலாம்.
நம் உடலில் ஹார்மோன்களின் பங்கு:
உடலில் அனைத்து செயல்பாடுகளும் மிக துல்லியமாக நடக்க எண்ணற்ற ஹார்மோக்ண்கள் உதவுகின்றன. கிட்டத்தட்ட 50 மேற்பட்ட ஹார்மோன்கள் நம் உடலில் உள்ளன. இவை ஒன்றுடன் ஒன்று நெருங்கிய தொடர்பில் உள்ளன சமநிலையை சரி செய்வதற்காக. சுரப்பிகளில் உற்பத்தி செய்யப்படும் இந்த ஹார்மோன்கள் உடலில் ரத்தம் வழியாக கடத்தப்படுகின்றன. இந்த ஹார்மோன்கள் ஒன்று குறைந்தால் ஒன்று அதிகரித்து அதன் வேலையை சரி செய்கிறது.
அதனால் ஹார்மோன் ஏற்றத்தாழ்வு நடப்பது வழக்கமே. இந்த ஹார்மோன்களில் ஏற்படும் மிகச்சிறிய மாற்றம் கூட நம் உடலில் பெரிய விளைவை உருவாக்கும். இந்த ஹார்மோன்கள் தான் பல உடல் செயல்பாட்டை செய்கின்றன. அவை வளர்ச்சிதை மாற்றம், செயல்பாடுகள், ஒரு உயிரினத்தின் ஒட்டுமொத்த வளர்ச்சி, பாலியல் செயல்பாடுகள், இனப்பெருக்கம், மனநிலை மற்றும் முறையான தூக்க சுழற்சி முறையை சீராக நடத்தி உடலிற்கு பெரிய பங்கை ஹார்மோன்கள் வகிக்கின்றன .
ஹார்மோன் சமநிலையின்மை ஏற்பட காரணங்கள்:
ஹார்மோன் சமநிலையின்மை பல காரணங்களால் ஏற்படுகின்றன. நம் உடலில் ஹார்மோன் சமநிலைக்கு முக்கிய காரணமே மனஅழுத்தம் தான். நாள்பட்ட மனஅழுத்தம் கார்டிசோலின் வெளியீட்டை தூண்டுகிறது. இதுவே, ஹார்மோன் சமநிலையை சீர்குலைகின்றது. இவை பல காரணங்களால் ஏற்படுகின்றன. எனினும், ஆண்களை விட பெண்களுக்கே அதிக அளவில் ஹார்மோன் சமநிலையின்மை ஏற்பாருக்கின்றன. ஹார்மோன்கள் நம் உடலில் முக்கிய செயல்பாட்டை செய்கின்றன இருப்பினும் இவை அளவிற்கு மீறினால் பாதிப்பை தரும் . இவை தான் நம் உடலில் சக்திவாய்ந்த சமிச்சைகள் ஆகும். அதனால் தான் ஹார்மோன் சமநிலையின்மை உடலில் பல்வேறு மாற்றங்களை ஏற்படுத்துகின்றன. ஒரு சில ஹார்மோன் ஏற்றத்தாழ்வுகள் தற்காலிகமானவை இவை விரைவில் சரியாகிவிடும். மற்றும் சில நாள்பட்டவை இவை விரைவில் சரியாவதில்லை.
ஹார்மோன் சமநிலையின்மைக்கு அறிகுறிகள்:
பொதுவாகவே பெண்களின் உடலில் ஹார்மோன்கள் பெரும் தாக்கத்தை ஏற்படுத்துகின்றன. அவை நல்லதை வழங்கும் அதே அளவிற்கு தீமையையும் விளைவிக்கின்றன. நம் உடலில் ஹார்மோன்கள் சீராக செயல்படுகிறதா என்பதை பொருத்து ஒவ்வொரு விளைவுகளும் ஏற்படுகின்றன. ஒரு சில ஹார்மோன் ஏற்றத்தாழ்விற்கு முறையான சிகிச்சை தேவைப்படுகின்றன. ஒரு சிலருக்கு சிகிச்சை தேவையில்லை. இந்த ஹார்மோன்கள் ஆரோக்கியத்தை பாதிப்பதில்லை. இருப்பினும் எதிர்மறையாக நம் வாழ்கை தரத்தை பாதிக்கின்றன.
நம் உடலில் சோர்வு மற்றும் தசை பலவீனமாகின்றன.இந்த ஹார்மோன்கள் சிறிய நோய்கள் முதல் புற்றுநோய் வரை பெரிய நோய்களுக்கு காரணமா உள்ளன. ஹார்மோன் ஏற்றத்தாழ்வுகள் நம் உடலில் ஏற்படுத்தும் பாதிப்புகள் எடை அதிகரித்தல் அல்லது குறைதல், முடி உதிர்தல், ஒழுங்கற்ற மாதவிடாய் , பார்வை குறைபாடு, தாகம் எடுத்தல், அடிக்கடி குறைந்த அல்லது அதிக இதயத்துடிப்பு, ரத்த அழுத்தத்தில் இறக்க ஏற்றம், மார்பகத்தில் ஏற்படும் வலி இப்படி நிறைய அறிகுறிகள் உள்ளன.
ஹார்மோன் சமநிலைமையின்மையை சரிசெய்தல்:
சத்தான உணவை சாப்பிடுதல்: நம் அன்றாட வாழ்வில் சத்தான உணவுகளை சேர்ப்பதன் மூலம் இயர்கையாகவே நம் ஹார்மோன்கள் சமநிலைகயாகின்றன. உணவில் உள்ள ஊட்டச்சத்துக்கள் ஹார்மோன்களை உருவாக்க உடல் பயன்படுத்தும் கட்டுமான தொகுதியே ஆகும். எனவே, நாம் போதுமான அளவிற்கு உணவு உட்கொள்ளவில்லை என்றால் ஹார்மோன் உற்பத்தியை நிறுத்தி விட்டு மற்ற வேலைகளுக்கு ஊட்டச்சத்துக்கள் பகிர்ந்தளிக்க படுகின்றன. அதே சமயம் அளவிற்கு அதிகமாக உணவு உண்பதனால் ஊட்டச்சத்துக்கள் குறைந்து ஹார்மோன்கள் சீராக செயல்பட முடியாமல் போகும்.
நம் உணவில் புரதங்கள் , கார்போஹைட்ரேட்கள் மற்றும் கொழுப்புகள் என அனைத்துமே சரியான விகிதத்தில் சமச்சீராக இருக்க வேண்டும்.உணவில் கால் பங்கு புரதம், கால் பங்கு முழு தானியங்கள், காய்கறிகள் மற்றும் பழங்கள் அரை பங்கு எடுத்து கொள்ள வேண்டும். இப்படி செய்வதால் நாம் முறையான உணவு பழக்கத்தை கடை பிடிக்க வேண்டும்.
நம் வாரத்தின் 7 நாள்களிலும் 7 வண்ணமுடைய உணவு பழக்கத்தை எடுத்து கொள்ளலாம். இதுவே ரெயின்போ டயட் என அழைக்க படுகின்றன. ஒவ்வொரு நாளும் ஒரு நல்ல உணவை உட்கொள்வதன் மூலம் அதிகபட்ச ஊட்டச்சத்தை நாம் பெறலாம்.
சிவப்பு நிறத்திரிக்கு ஆப்பிள், ஸ்ட்ராபெர்ரி, செர்ரி போன்ற உணவுகளும் ஆரஞ்சு சிட்ரஸ் பழங்களும் மஞ்சள் நிறத்திற்கு குடைமிளகாய், அவகேடோ போன்றவற்றையும் பச்சை நிறத்திற்கு கீரை, பச்சை இலை காய்கள், முட்டைகோஸ் போன்றவையும் நீல நிறத்திற்கு ப்ளூபெர்ரியும் ஊதா நிறத்திற்கு கத்தரிக்காய், உலர்திராட்சை ஆகியவையும். வெள்ளை நிறத்திற்கும் வாழைப்பழம், காலன், இஞ்சி, காலிஃளார் போன்றவை என விதவிதமான உணவுகளை சாப்பிடவும்.
ஹார்மோன்கள் கொழுப்பு உற்பத்தியின் போது உருவாகின்றன அதனால் நம் உடல் சரியாக செயல்பட ஆரோக்கியமான கொழுப்புகள் தேவை. இது மற்றுமல்லாமல் சீட்ஸ் வகைகள், முட்டையின் வெள்ளை கரு போன்ற ஆரோக்கியமான உணவை சேர்த்து கொள்ளவும். துரித உணவுகள் மற்றும் சர்க்கரையின் பயன்பாட்டை குறைத்துக் கொள்ளவும்.
போதிய உடற்பயிற்சி அல்லது யோகாசனம் செய்தல்:நம் உண்ணும் உணவில் மட்டுமே ஆர்வம் செலுத்தினால் போதாது உடல் உறுப்புகளையும் ஆரோக்கியமாக வைத்திருக்க வேண்டியது மிகவும் அவசியம். யோகா, தியானம் போன்ற உடற்பயிற்சிகள் செய்வதன் மூலம் ஹார்மோன் அளவை சரிசெய்கின்றன மற்றும் ஹார்மோன் மாற்றங்களை சரிசெய்கின்றன.
ஹார்மோன் சமநிலையின்மை வராமல் இருக்க இன்சுலின் சுரப்பு சீராக இருக்க வேண்டும். நம் வழக்கமாக உடற்பயிற்சியில் ஈடுபடும்போது நம் தசைகளுக்கு ரத்த ஓட்டத்தை மேம்படுத்துகின்றன. மேலும் உடற்பயிற்சி ஹார்மோன் ஏற்பிகளின் உணர்திறனை அதிகரிக்கிறது. இவை ஊட்டச்சத்து மற்றும் ஹார்மோன் சிக்னல்களை வழங்குவதை மேம்படுத்துகிறது. பொதுவாக நடத்திய ஆய்வு ஒன்றில் தினசரி உடற்பயிற்சி, யோகா செய்பவர்களின் முக்கிய நன்மை இன்சுலின் அளவை குறைப்பதற்கும் இன்சுலின் உணர்திறனை அதிகரிப்பதற்கும் மிக நம்பகமான மூலம் ஆகும்.
இன்சுலின் என்பது ஒரு ஹார்மோன் தான் இது ரத்தத்தில் உள்ள சர்க்கரையை ஆற்றலாக மாற்றி நமக்கு வழங்குகிறது. அதிக தீவிர இடைவெளி உடற்பயிற்சி, வலிமையான தீவிர உடர்பயிற்சி மற்றும் கார்டியோ உடற்பயிற்சிகள் இன்சுலின் எதிர்ப்பை தடுக்க உதவுகின்றன.
தினசரி குறைந்தது 45 நிமிடங்களாவது காலை அல்லது மாலையில் உடற்பயிற்சி செய்ய வேண்டும். முடிந்தால் இதனுடன் சிறிது நேரம் நடைபயிரிச்சி செய்யலாம். நம்மில் சிலர் தீவிரமான உடற்பயிற்சியினை செய்ய முடியாமல் இருக்கலாம் ஆனால் அவர்களால் முடிந்த எளிமையான உடற்பயிற்சிகள், மூச்சு பயிற்சி, தியானம், நடைபயிற்சி போன்றவற்றை செய்து வரலாம்.
மனஅழுத்தத்தை குறைதல்: ஹார்மோன் சமநிலையின்மை முக்கிய காரணங்களில் முதலில் இருப்பது மனஅழுத்தமே ஆகும். இந்த காலகட்டத்தில் அனைவரும் தங்கள் வேலையை மிக தீவிரமாக செய்கின்றனர். முழுவதுமாக ஒரே விஷயத்தில் கவனம் செலுத்துகின்றனர். இதன் விளைவாக அனைவரின் மனதிலும் கோவம் , சோகம், வெறுப்பு, துக்கம் போன்றவை தோன்றுகின்றது. எனவே, மன அழுத்தைதை குறைத்து ஆரோக்கியமாக எந்த வித பிரச்சனையும் இல்லாமல் இருக்க வேன்டும். நம் உடலில் உள்ள ஹார்மோன்கலே இதற்கு காரணம்.
இவை சோகத்தையும் மன உளைச்சலையும் ஏற்படுத்துகின்றன. இதை சரிசெய்ய நமக்கு பிடித்த மகிழ்ச்சி தரக்கூடிய செயல்களை செய்யலாம். பாட்டு கேட்பது, புத்தகம் படிப்பது, விளையாடுதல் போன்ற மனதிற்கு பிடித்த செயல்ககை செய்யலாம். மனஅழுத்தத்தை குறைத்து ஹார்மோன் சமநிலையை மேம்படுத்தலாம்.
உடல் எடையில் கவனம் செலுத்துதல்: ஹார்மோன் சமநிலையின்மையை சரிசெய்ய உடல் எடையில் கவனம் செலுத்துவது அவசியம். ஹார்மோன் மாற்றங்கள் அதிக உடல் எடை உள்ளவர்களுக்கு கூடுதலாகவே ஏற்படுகின்றன. அதிக உடல் எடை எண்ணற்ற பிர்சனைகளுக்கு முக்கிய காரணமாக உள்ளது. அதிக உடல் இடையே நீர்க்கட்டி என்ற ஹார்மோன் சம நிலையின்மைக்கு காரணமாகின்றன.
முதலில் ஹார்மோன் சமநிலையின்மையை தவிர்க்க முடிந்த அளவு உடல் எடையை குறைக்க வேண்டும். நம் என்னதான் கவனமாக இருந்தாலும் உணவு கட்டுப்பாடு, உடற்பயிற்சி எல்லாமே செய்து வந்தாலும் ஹார்மோன் சமநிலையின்மை இருக்கும்போது அவர்களின் உடல் எடை அதிகரிப்பது இயல்பானதே ஆகும். அவர்கள் முறையான பழக்க வழக்கங்களுடன் உடல் எடையை குறைத்து ஹார்மோன் சமநிலையை உருவாக்க வேண்டும்.
தூக்கத்தில் கவனம் செலுத்துதல்:நம் ஹார்மோன்களுக்கும் தூக்கத்திற்கும் ஒரு நெருங்கிய தொடர்பு உண்டு. தினசரி நாள் ஒன்றுக்கு குறைந்தது 7 முதல் 8 மணி வரை நாம் தூங்க வேண்டும். சரியான தூக்கமில்லாமை ஹார்மோன் சுரப்பியில் மாற்றத்தை ஏற்படுத்துகின்றன. பொதுவாகவே, நம் உடல் இரவு நேரத்தில் தான் ஓய்வு எடுக்க உகந்த நேரம் . அன்றாடம் குறிப்பிட்ட நேரத்தில் தூங்கி விடுவதே நல்லது. ஏனென்றால், நேரம் மாறி மாறி தூங்குவதால் உடலில் தினசரி பணிகள் குழப்பமடைகின்றன. எனவே இரவு 10 மணிக்கு முன்பே தூங்கி விட வேண்டும். காலை 5 மணிக்கு எழுந்து விடவும். இதுவே ஆரோக்கியமான உடல்நலத்திற்கு நல்லது.
மேலும் ஆரோக்கியம் பற்றிய தகவல் கட்டுரைகளை படிக்க Blog For Health இணையத்தளத்தில் பார்க்கவும்.
